სასმისი, რომლიდანაც სასმელი არ გადმოიქცევა

Super Duper Studio -ს დიზაინერებმა ბევრის ოცნება რეალობად აქციეს – მათ შექმნეს ღვინის სასმისი, რომლიდანაც სასმელი არ გადმოიღვრება, შესაბამისად, არც სუფრას დასვრის და არც სამოსს. ჭიქას, რომელსაც შემქნელებმა Saturn Glasses დაარქვეს, მაღალი ფეხის ნაცვლად განიერი, მომრგვალებული სადგამი აქვს. იმის გამო, რომ სასმისს შევიწროვებული ყელი აქვს და სადგამის წყალობით მხოლოდ 45°-ზე იხრება, სითხე არ იღვრება. ჭიქამ რომ დაკისრებული მოვალეობა პირნათლად შეასრულოს, შემქმნელები გვირჩევენ, სასმელი მხოლოდ ერთ მეოთხედზე ჩავასხათ. ამ ჭიქას კიდევ ერთი სასარგებლო დანიშნულება აქვს – ის შეგვიძლია გამოვიყენოთ როგორც ერთი ულუფა სასმლის საზომი. Saturn Glasses-ის ერთი ჭიქა 52 დოლარი ღირს. დიზაინერები მის მაღალ ფასს ასე ამართლებენ: გარდა იმისა, რომ სასმისი საოცრად მოსახერხებელია, ის საუკეთესო ხარისხის მინისაგან, თანაც ხელით არის დამზადებული.   © ღვინის კლუბი /Weekend