ყვავილოვანი კომბოსტოს კრამბლი

საჭირო მასალა: მოსაყრელად – 40 გ კარაქი, 3 ს.კ. ფქვილი, 3 ს.კ. დაფქული ნიგოზი, მარილი, პილპილი გემოვნებით. კრამბლისათვის – 1 საშუალო თავი კომბოსტო, 0.5 ჭიქა ნიგოზის ლებნები, 2 ს.კ. დაფქული ნიგოზი, 200 მლ 36%-იანი ნაღები, 1 კბილი დაჭყლეტილი ნიორი, 3-4 ღერი ბეგქონდარა, მარილი, პილპილი გემოვნებით.

მომზადება: კომბოსტო დავყოთ ყვავილედებად და მარილწყალში მოვხარშოთ. ნიგოზი შევურიოთ მოხარშულ კომბოსტოს. ნაღებს ავურიოთ ნიორი, ბეგქონდარას დაკეპილი ფოთლები, გავუწყოთ სანელებლები და ნიგვზიან კომბოსტოსთან ერთად მოვათავსოთ ფორმაში. მოსაყრელი მასალის ინგრედიენტები ავურიოთ, ნაფხვენი პილპილთან ერთად მოვაყაროთ ნაღებიან კომბოსტოს და გამოვაცხოთ 20 წუთი 200 გრადუსზე, სანამ ზედაპირი არ შეიბრაწება.

© ღვინის კლუბი/Weekend