სტაფილო წიწაკითა და ჯანჯაფილით

საჭირო მასალა: 500 გ სტაფილო, 1 ცალი წითელი წიწაკა, 1 კბილი ნიორი, 20 გ ნედლი ჯანჯაფილი, 1 ს.კ. ზეთი, 150 მლ ბოსტნეულის ბულიონი, 0,5 ს.კ. სახამებელი, მარილი – გემვნებით.

მომზადება: სტაფილო გავასუფთავოთ და მსხვილად დავჭრათ. წიწაკას ამოვაცალოთ თესლი, შუაზე გავჭრათ და ჯანჯაფილთან და ნირთან ერთად ავკეპოთ. ტაფაში გავაცხელოთ ზეთი, შიგ მოვათავსოთ სტაფილო და მაღალ ცეცხლზე 1-2 წუთის განმავლობაში ყველა მხრიდან შევბრაწოთ. დავუმატოთ ნიორი, ჯანჯაფილი, წიწაკა და 1-2 წუთი ვშუშოთ. ბოსტნეულს დავასხათ ბოსტნეულის ბულიონი და 5 წუთი ვხარშოთ. ცოტა ბულიონს შევურიოთ სახამებელი და დავუმატოთ ბოსტნეულს, დავაყაროთ მარილი და როცა წამოდუღდება, გადმოვდგათ ცეცხლიდან.

© ღვინის კლუბი/Weekend