სალათის ფოთლების რულეტები კუსკუსით

საჭირო მასალა: 1 ღერი დარიჩინი, 200 გ კუსკუსი, 1 ს.კ. დარბილებული კარაქი, 12 ს.კ. ფორთოხლის წვენი, 2 ს.კ. ქიშმიში, 2 ს.კ. ნუშის ფანტელი, 12 ცალი საშუალო ზომის ახალი სალათის მკვრივი ფოთლები, 4 ს.კ. თეთრი ღვინის ძმარი, 6 ს.კ. ზეთი, 2 ს.კ. თაფლი, მარილი, პილპილი - გემოვნებით.

მომზადება: 200 მლ მარილიან წყალში ჩავაგდოთ დარიჩინი და წამოვადუღოთ, შევურიოთ კუსკუსი, გადმოვდგათ ცეცხლიდან, თავდახურული დავტოვოთ და 3 წუთში დავუმატოთ პილპილი, მარილი, კარაქი, 4 ს.კ. ფორთოხლის წვენი, ქიშმიში და ნუში. გარეცხილი სალათის ფოთლები 20 წამით მოვათავსოთ მდუღარე მარილიან წყალში, გადავავლოთ ცივი წყალი და შევაშროთ. თითოეულ ფოთოლში გავახვიოთ კუსკუსის გულსართი. თაფლი, ძმარი, დანარჩენი ფორთოხლის წვენი, ზეთი, მარილი და პილპილი ავურიოთ და მოვასხათ რულეტებს.

© ღვინის კლუბი/Weekend