ქათამი ყვავილოვანი კომბოსტოთი

საჭირო მასალა: 40 გ შაშხი, 50 გ საფანელი, 300 გ ქათმის ფილე, 3 ს.კ. ზეთი, 150 მლ ქათმის ბულიონი, 200 მლ ნაღები (15-20%), 300 გ ყვავილოვანი კომბოსტო, მარილი, 1 ს.კ. სახამებელი, 3 ს.კ. მდოგვი, მარილი, პილპილი – გემოვნებით.

მომზადება: შაშხი წვრილად დავჭრათ და ტაფაზე უცხიმოდ მოვშუშოთ. დავუმატოთ საფანელი და ერთად მოვშუშოთ, სანამ არ გაოქროსფრდება. ქათმის ფილე კუბებად დავჭრათ, მოვაყაროთ მარილი და პილპილი. ტაფაზე გავაცხელოთ 3 ს.კ. ზეთი, დავუმატოთ ქათმის ნაჭრები და შევწვათ. დავასხათ ქათმის ბულიონი და ნაჭრები. როდესაც ადუღდება, ცეცხლს დავუწიოთ და 3 წუთი ვადუღოთ. ყვავილოვანი კომბოსტო ყვავილედებად დავყოთ და მდუღარე მარილიან წყალში 3 წუთის განმავლობაში ჩავაწყოთ. შემდეგ გადავწუროთ. სოუსს შევურიოთ სახამებელი, მოვაყაროთ მარილი, პილპილი, მდოგვი, ყვავილოვანი კომბოსტო და 3 წუთი ვშუშოთ. როდესაც ადუღდება, გადმოვდგათ ცეცხლიდან.

© ღვინის კლუბი /Weekend