საქართველოს ღვინის კლუბის სკოლა ღვინის ეროვნული სააგენტოს მხარდაჭერით განაახლებს მუშაობას და დაინტერესებულ პირებს სთავაზობს ტრენინგებს სხვადასხვა მიმართულებით: ღვინის შეთავაზება და მომსახურება (როგორ გავყიდოთ ღვინო), როგორ დავაგემოვნოთ ღვინო, მეღვინეობა, მევენახეობა, ღვინის ზადები და დაავადებები, ღვინისა და კერძის შეხამება. თითოეული მოდული მოიცავს ორდღიან სწავლებას. სერტიფიკატის მსურველები გაივლიან, აგრეთვე, თეორიულ და პრაქტიკულ გამოცდებს.
ტრენინგები 2015 წლის 25 მარტიდან დაიწყება და წლის ბოლომდე გაგრძელდება. მას გაუძღვებიან WSET–ის (Wine & Spirit Education Trust) საერთაშორისო სერტიფიკატის მქონე ღვინის მაღალკვალიფიციური ექსპერტები - ენოლოგები, სომელიეები და მევენახეები.
საქართველოს ღვინის კლუბი აღნიშნულ საგანმანათლებლო ღონისძიებას 2012 წლიდან უძღვება. მისი საშუალებით 2015 წლამდე, გადამზადდა, დაახლოებით, 400 ადამიანი. თავდაპირველად ტრენინგები ტარდებოდა USAID-ის პროგრამა EPI-ს ფარგლებში და 2014 წლამდე მასში მონაწილეობას იღებდნენ მხოლოდ ღვინის მწარმოებელი კომპანიების წარმომადგენლები.
წელს ტრენინგები ჩატარდება ღვინის ეროვნული სააგენტოს მხარდაჭერით და მასში მონაწილეობა უფასოა. მონაწილეობა შეუძლია ნებისმიერ მსურველს, რომელიც დროულად შეავსებს განაცხადს ღვინის კლუბის ვებგვერდზე. მსურველებმა უნდა გაითვალისწინონ საზოგადოების მაღალი ინტერესი ტრენინგებისადმი და დროულად გაიარონ რეგისტრაცია.
რეგისტრაცია შეგიძლიათ, გაიაროთ აქ.
© საქართველოს ღვინის კლუბი, ღვინის ეროვნული სააგენტო
ბეჭდვა
რეგისტრაციის უშუალო ბმული დავამატეთ აქვე. იხილეთ ზემოთ
თქვენი კომენტარი