ქათამი ქუნჯუთით

საჭირო მასალა: 1 ს.კ. კედრის თესლი, 1 პატარა ავოკადო, 1 მსხალი, 0,5 ლაიმი, 4 ს.კ. ზეთი, 1 კვერცხი, 2 ცალი ქათმის ფილე (თითო ნაჭერი 250 გ), 2 ს.კ. ქუნჯუთის მარცვლები, მარილი, პილპილი, შაქარი – გემოვნებით.

მომზადება: კედრის თესლი მოვხალოთ. ავოკადო გავფცქვნათ, შუაზე გავჭრათ, კურკა ამოვაცალოთ და თხლად დავჭრათ. მსხალი გავრეცხოთ, შუაზე გავჭრათ, თესლი ამოვაცალოთ და თხლად დავჭრათ. ლაიმი გავწუროთ. მსხალი და ავოკადო თასში მოვათავსოთ, მოვასხათ ლაიმის წვენი და 2 ს.კ. ზეთი. მოვაყაროთ მარილი, პილპილი და მწიკვი შაქარი. მსხალსა და ავოკადოს შევურიოთ კედრის თესლი. კვერცხის გული და ცილა გავაცალკევოთ. ქათმის ფილეს მოვაყაროთ მარილი და პილპილი. კვერცხის ცილა მსუბუქად ავთქვიფოთ და შევურიოთ ქუნჯუთის მარცვლები. ტაფაზე გავაცხელოთ ზეთი. ქათმის ფილე ამოვავლოთ ქუნჯუთისა და ცილის ნარევში და ორივე მხრიდან შევწვათ. მივირთვათ მომზადებულ სალათასთან ერთად.

© ღვინის კლუბი /Weekend