პეკინური კომბოსტო ქამა სოკოსა და კრევეტებთან ერთად

საჭირო მასალა: 1 საშუალო თავი პეკინური კომბოსტო, 200 გ ქამა სოკო, 200 გ მოხარშული კრევეტები, 120 გ სტაფილო, 1 ტკბილი წიწაკა, 1 პატარა ცხარე წიწაკა, 2 სმ ჯანჯაფილის ფესვი, 1 ს.კ. ბრენდი, 2 ს.კ. სოიის სოუსი, 1 მწიკვი შაქარი, მარილი გემოვნებით, 1 ს.კ. ქუნჯუთის მარცვლები, 4 ს.კ. ზეთი.

მომზადება: ტაფაზე 1 ს.კ. ზეთში მოვშუშოთ დაქუცმაცებული ცხარე წიწაკა და გახეხილი ჯანჯაფილი, დავუმატოთ თხლად დაჭრილი ტკბილი წიწაკა, სტაფილო და რამდენიმე წუთის შემდეგ ყველაფერი მოვათავსოთ თასში. 2 ს.კ. ზეთში ბრენდთან ერთად მოვშუშოთ თხლად დაჭრილი სოკო და მივამატოთ ბოსტნეულს. კომბოსტო დავშალოთ ფოთლებად, მოვაცილოთ ხიკვის ნაწილები, დავჭრათ და 1 ს.კ. ზეთში ვშუშოთ 3 წუთის განმავლობაში. დავუმატოთ სოკო და ბოსტნეული, კრევეტები, სოიის სოუსი, შაქარი, მარილი, 2-3 წუთით გავაჩეროთ ცეცხლზე და გამზადებულს ზემოდან მოვაყაროთ მოხალული ქუნჯუთის მარცვლები.

© ღვინის კლუბი /Weekend