გამოქვეყნებულია: 29 მაისი, 2010 - 17:06
საჭირო მასალა: 2 ძირი ოხრახუში, 2 სხვადასხვა ფერის ტკბილი წიწაკა, 3-4 თავი ხახვი, 1 კგ. კარტოფილი, 180 გ. მშრალი შებოლილი ძეხვი, მაგალითად “salami”, 2 ს.კ. ზეითუნის ზეთი, 1-2 ღერი ზაფრანა, 1 ცალი დაფნის ფოთოლი, 750 მლ. ბოსტნეულის ბულიონი, მარილი და პილპილი – გემოვნებით.
მომზადება: წიწაკას გამოვაცალოთ თესლი და სიგრძეზე თხლად დავჭრათ. წვრილად დავკეპოთ ოხრახუში. ხახვი დავჭრათ ალყა-ალყა, ხოლო კარტოფილი – საშუალო ნაჭრებად. 1/2 სმ. სისქის ნაჭრებად დავჭრათ ძეხვი. ქოთანში ან სქელძირიან ქვაბში ჩავასხათ ზეთი, დავუმატოთ წიწაკა, 2 წუთის შემდეგ ამოვიღოთ და ჩავყაროთ ხახვი, ძეხვი, ოხრახუში და 1-2 წუთის შემდეგ დავუმატოთ კარტოფილი, ზაფრანა, დაფნის ფოთოლი და დავასხათ ბოსტნეულის ბულიონი. როცა მოდუღდება, ავუწიოთ ცეცხლს და 15-20 წუთის განმავლობაში მაღალ ტემპერატურაზე ვხარშოთ. როდესაც კარტოფილი მოიხარშება, დავუმატოთ შემწვარი წიწაკა, შევანელოთ მარილითა და პილპილით და კიდევ 3 წუთი ვხარშოთ.
© ღვინის კლუბი/“Weekend“
თემა:
ბეჭდვა
თქვენი კომენტარი