მარტივი ფალაფელი

საჭირო მასალა: 250 გ მუხუდო (ხმელი), 2-3 ღერი ოხრახუში, 1 თავი ხახვი, 2 კბილი ნიორი, 1 კვერცხის გული, 2 ს.კ. საფანელი, 3 ს.კ. ფქვილი, 0,5 ჩ.კ. ძირა, 4-5 ღერი პიტნა, 250 გ იოგურტი ან მაწონი, 4 ს.კ. რძე, 1 ს.კ. ლიმონის წვენი, 1 ლ ზეთი, მარილი, პილპილი – გემოვნებით.

მომზადება: მუხუდო მთელი ღამით ცივ წყალში დავალბოთ. დილით გადავავლოთ წყალი და გადავწუროთ. ხახვი, ნიორი და ოხრახუში წვრილად დავკეპოთ. დაჭრილი ბოსტნეული და მუხუდო სამზარეულოს კომბაინით ან ბლენდერით დავაქუცმაცოთ. დავუმატოთ კვერცხის გული, საფანელი, ფქვილი და კარგად ავზილოთ. შევურიოთ მარილი, პილპილი, ძირა და 30 წუთი გავაჩეროთ გრილად. ამასობაში იოგურტში ავურიოთ დაჭრილი პიტნა, მარილი, პილპილი, რძე და ლიმონის წვენი. მუხუდოს მასისიგან 20 ცალი გუნდა გავაკეთოთ და მდუღარე ზეთში შევბრაწოთ. მივირთვათ იოგურტის სოუსთან ერთად.

© ღვინის კლუბი /Weekend