გამოქვეყნებულია: 18 ივნისი, 2014 - 10:12
მათთვის, ვისაც სასმელი უყვარს და თანაც არ სურს, ამით ყურადღება მიიქციოს, ბრიტანელმა დიზაინერებმა FlaskScarf შექმნეს – საკმაოდ მოხდენილი შარფი, რომელშიც საყვარელი სასმელისთვის განკუთვნილი სამალავია ჩაკერებული. ეს სიახლე იმავე დიზაინერების შექმნილია, რომლებმაც ერთი წლის წინ მამაკაცებისათვის FlaskTie გამოუშვეს. ასეთი ჰალსტუხის წყალობით მამაკაცებს შეუძლიათ, თხელი რეზერვუარი ჰალსტუხში ჩამალონ და საყვარელი სასმელი ყველასგან უჩუმრად მიირთვან. ქალბატონებისათვის განკუთვნილი მოხდენილ ყელსახვევსაც იგივე დანიშნულება აქვს – მასშიც ფარული ჭურჭელია ჩამალული. ეს ახალი გამოგონება მხოლოდ ალკოჰოლური სასმელისთვის არ არის განკუთვნილი, ის მოსახერხებელია არაალკოჰოლური სასმელების ან წყლის დასალევადაც, მაგალითად, ვარჯიშის დროს.
© ღვინის კლუბი /Weekend
თემა:
ბეჭდვა
თქვენი კომენტარი