თევზის ძეხვი შინაურ პირობებში

საჭირო მასალა: 6 ცალი საშუალო ზომის სტაფილო, 1 კგ თევზის ფილე, 8 თავი ხახვი, 250 გ თეთრი პური, 200 მლ ნაღები. სანელებლები: 1 ს.კ. მარილი, 1 კონა ქინძი, 0.5 ჩ.კ. კურკუმა, 1/3 ჩ.კ. შავი პილპილი, 1 ჩ.კ. მშრალი ბაზილიკი,

3-4 ს.კ. ზეთი.

მომზადება: ხახვი დავჭრათ მსხვილად, სტაფილო გავხეხოთ და ტაფაზე ზეთში მოვშუშოთ. პური დავალბოთ ნაღებში. შემდეგ შევურიოთ მოშუშულ ხახვსა და სტაფილოს, დავუმატოთ სანელებლები, წვრილად დაჭრილი თევზის ფილე, დაჭრილი ქინძი და ბლენდერში გავთქვიფოთ. გავშალოთ სპეციალური ცელოფანი, ზედ მოვათავსოთ 3-4 ს.კ. ძეხვის მასა და მჭიდროდ გადავახვიოთ. თავი და ბოლოები მაგრად შევუკრათ ძაფით. შეხვეული ძეხვები მოვათავსოთ მდუღარე წყლიან ქვაბში და ვხარშოთ 2 საათი. შეგრილებული ძეხვი 5-6 საათით გავაჩეროთ მაცივარში.

© ღვინის კლუბი/Weekend