ცხვრის ხორცი ბეგქონდარით

საჭირო მასალა: ორი ცალი 250-გრამიანი ცხვრის ხორცის სტეიკის ნაჭერი (1,5 სმ სისქის), 1 პატარა ლიმონი, 2 ს.კ. ზეითუნის ზეთი, 6 ტოტი ნედლი ან გამშრალი ბეგქონდარა, 1 ს.კ. კარაქი, პილპილი, მარილი – გემოვნებით.

მომზადება: ცხვრის ხორცის ნაჭრებს წავუსვათ მარილი. ტაფაზე გავაცხელოთ ზეთი, ზედ დავაწყოთ ხორცის ნაჭრები და ორივე მხრიდან მაღალ ცეცხლზე შევბრაწოთ. შემდეგ ცეცხლს დავუწიოთ და თითო მხარეს 3-4 წუთის განმავლობაში შევწვათ. დავუმატოთ დაჭრილი ლიმონი,  ბეგქონდარა და კარაქი,  რამდენიმე წუთი ერთად ვშუშოთ, შემდეგ ცეცხლი გამოვრთოთ და ტაფას სახურავი დავახუროთ. ასე გავაჩეროთ რამდენიმე წუთით, შემდეგ კი  გავიტანოთ სუფრაზე.

© ღვინის კლუბი /Weekend