შოკოლადის ტორტი ნიგვზით

ცომი: 12 კვერცხი,2 ჭიქა შაქარი, 1,5 ჭიქა ფქვილი, 200 გ. დაფქული ნიგოზი.

კრემი:  500 მლ. 36-38%-იანი ნაღები, 5 ს.კ. შაქრის პუდრა, ერთი ლიმონის ცედრა.

მეორენაირი კრემი: 300 გ შავი შოკოლადი, 500 მლ. 36-38%-იანი  ნაღები

მომზადება: კვერცხის ცილა და გული გავაცალკევოთ. ცილები კარგად გავთქვიფოთ და თან ვუმატოთ შაქარი. გათქვეფილი მასა ჯამის გადმოტრიალებისას არ უნდა დაიძრას ადგილიდან. ამის შედეგ თანდათან დავუმატოთ კვერცხის გულები და 4-5 წუთი მაინც ვთქვიფოთ. მომზადებულ მასას ხის კოვზით ფრთხილად შევურიოთ ფქვილი და ნიგოზი. კოვზი ვამოძრაოთ ერთი მიმართულებით. ცომი ჩავდოთ ქაღალდჩაფენილ, ცხიმწასმულ ფორმაში და გამოვაცხოთ დაახლოებით 30-35 წუთის განმავლობაში. შესამოწმებლად ბისკვიტში ჩავარჭოთ ხის ჩხირი, თუ ჩხირს ცომი და ნამცეცები ზედ არ აჰყვა, ესეიგი, ბისკვიტი მზად არის. ცივი ბისკვიტი გვჭრათ ორ ტოლ ნაწილად. 500 მლ. ნაღები გავთქვიფოთ შაქრის პუდრასთან ერთად, დავუმატოთ ცედრა და შევდგათ მაცივარში. ცალკე მოვამზადოთ მეორე კრემიც – ორთქლის აბაზანაზე გავადნოთ შოკოლადი და შევაგრილოთ ოთახის ტემპერატურაზე. დანარჩენი 500 მლ. ნაღები ცალკე გავთქვიფოთ, დავუმატოთ გამდნარი შოკოლადი და ესეც შევდგათ მაცივარში. ბისკვიტს შუაში წავუსვათ თეთრი კრემი, ზემოდან და გარშემო კი – შოკოლადის მასა. ტორტი შეგვიძლია მივირთვათ მომზადებისთანავე, მაგრამ უმჯობესია თუ მთელი ღამით დავტოებთ მაცივარში.