ბადრიჯნის რულეტი ქათმის ხორცით

საჭირო მასალა: 2-3 ცალი ბადრიჯანი, 300 გ. ქათმის ფილე, 1 ცალი კვერცხი, 200 მლ. 20%-იანი ნაღები, 1 ჩ.კ. დაჭყლეტილი ნიორი, 1 ს.კ. მაიონეზი, მარილი და შავი პილპილი – გემოვნებით.

მომზადება: ბადრიჯანი დავჭრათ სიგრძეზე, მოვაყაროთ მარილი და 30 წუთით ასე დავაყოვნოთ. ქათმის ფილე გავატაროთ ხორცსაკეპ მანქანაში და შევურიოთ ნაღები ან 100 მლნაღებდან ერთად დავაბლენდეროთ და 20 წუთით შევდგათ მაცივარში, შემდეგ შევურიოთ კვერცხი, მარილი, პილპილი და გავთქვიფოთ მიქსერით. უნდა მივიღოლთ სქელი კრემის კონსისტენციის მასა. ბადრიჯანი გავრეცხოთ, დავაწყოთ თუნუქის ფურცელზე და 15-20 წუთის განმავლობაში გავაშროთ ღუმელში. თითოეულ ბადრიჯნის ფენაზე მოვათავსოთ ქათმის ფარშის პატარა ბურთულა და გადავახვიოთ რულეტივით. ფარშის ბურთულამ ფორმა რომ არ დაკარგოს, სველი ხელით ამივაგუნდავოთ. რულეტები მოვათავსოთ თუნუქის ფურცელზე, მოვასხათ ერტმანეთში არეული 100 მლ. ნაღები, მაიონეზი და დაჭყლეტილი ნიორი, შევდგათ 200 გრადუსზე გახურებულ ღუმელში და ვაცხოთ 40 წუთის განმავლობაში.