აზიური ატრია წიწმატით

საჭირო მასალა: 250 გ აზიური ატრია, 2,5 ს.კ. სოიის სოუსი, 1 ჩ.კ. წიწაკის სოუსი, 1 ჩ.კ. სეზამის ზეთი, 6 ჭიქა დაჭრილი წიწმატი, 1 ს.კ. ზეითუნის ზეთი, მოხალული სეზამის მარცვლები – მოსაყრელად.

მომზადება: ატრია ჩავყაროთ მდუღარე მარილიან წყალში და მოვხარშოთ 8 წუთის განმავლობაში, შემდეგ გადავწუროთ და ზეითუნის ზეთი შევურიოთ. სოიის სოუსი, წიწაკის სოუსი და სეზამის ზეთი ავურიოთ. ზეთიანი ატრია გაცხელებულ ქვაბში მოვათავსოთ და ვურიოთ, დავუმატოთ დაჭრილი წიწმატი. ატრიის ტემპერატურამ წიწმატი უნდა დაარბილოს. დავასხათ სოუსი და სუფრაზე მიტანის წინ მოვაყაროთ სეზამის მარცვლები.

© ღვინის კლუბი /Weekend