არომატული წვნიანი ხორბლით

საჭირო მასალა: 1 თავი ხახვი, 1 კბილი ნიორი, 30 გ პამიდვრის ჩირი, 2 ს.კ. ზეითუნის ზეთი, 1 ს.კ. ტომატპასტა, 0,5 ს.კ. შაქარი, 750 მლ ბოსტნეულის ბულიონი, 1 სტაფილო, 200 გ ნიახურის ძირი, 120 გ კანგაცლილი ხორბალი, მარილი, წიწაკა, შაქარი – გემოვნებით.

მომზადება: ხახვი წვრილად დავჭრათ. ნიორი დავნაყოთ. პამიდვრის ჩირი დავჭრათ. ტაფაში გავაცხელოთ ზეთი, დავუმატოთ დაჭრილი ბოსტნეული და 2 წუთი ვშუშოთ. დავუმატოთ ტომატპასტა და შაქარი, ამოვურიოთ და დავასხათ ბულიონი. როდესაც წამოდუღდება, დავუმატოთ თხლად დაჭრილი სტაფილო, ნიახური და ხორბალი. ქვაბს სახურავი დავახუროთ და დაბალ ცეცხლზე 10 წუთი ვადუღოთ. ნიახურის ძირი დავკეპოთ, დავუმატოთ წვნიანს, შევანელოთ მარილითა და წიწაკით.

© ღვინის კლუბი /Weekend