არომატული ბადრიჯანი

საჭირო მასალა: 4 ცალი ბადრიჯანი, 2 თავი ხახვი, 2 ცალი პამიდორი, 0,5 თავი ნიორი, 2 ცალი ტკბილი წიწაკა, 1 ცალი ცხარე წიწაკა, 1 ლიმონი, 1 ს.კ. შაქარი, თითო კონა ქონდარი და რეჰანი, მარილი – გემოვნებით, ზეთი.

მომზადება: ბადრიჯანი ჯერ სიგრძეზე, შემდეგ კი თითოეული ნაწილი სიგანეზე გავჭრათ. მოვაყაროთ მარილი და წიწაკა. ცოტა ხანში გადავავლოთ ცივი წყალი და ზეთში შევწვათ. ხახვი, ნიორი, მწვანილი, ტკბილი და ცხარე წიწაკა გავატაროთ ხორცსაკეპ მანქანაში, მოვაყაროთ შაქარი, მოვასხათ ლიმონის წვენი, ზეითუნის ზეთი და ცოტა მარილი. ბადრიჯნის ნაჭრები ამოვავლოთ მომზადებულ ნარევში და პამიდვრის მრგვალ ნაჭრებთან ერთად მონაცვლეობით ჩავაწყოთ სასურველ ჭურჭელში. გავაჩეროთ 30 წუთი და შემდეგ მივირთვათ.

© ღვინის კლუბი/Weekend