Home
ქართული | English
მაისი 2017
ორშსამოთხხუთპარშაბკვი
1234567
891011121314
15161718192021
22232425262728
2930311234

მულტიმედია

კომენტარები

ძროხის ხორცი მექსიკურად

საჭირო მასალა: 800 გ ძროხის რბილი ხორცი, 1 ცალი დიდი კარტოფილი, 2 ცალი ტკბილი წითელი წიწაკა, 3 ცალი ხახვი, 1 ცალი სტაფილო, 1 ცალი დიდი პამიდორი, 4 ცალი მიხაკი, 1 ცალი ცხარე წითელი წიწაკა, 1 ცალი ცხარე მწვანე წიწაკა, 2 კბილი ნიორი, 50 გ 70%-იანი შოკოლადი, 2 ს.კ. ძმარი, 0,5 ღერი დარიჩინი, 0,5 ლ საქონლის ხორცის ბულიონი, 1 კონა ქინძი, მარილი, პილპილი – გემოვნებით, ზეთი – შესაწვავად.

მომზადება: ტკბილი წიწაკები გახურებულ ღუმელში ან გრილზე შევწვათ რამდენიმე წუთით, სანამ კანი არ დაებრაწება. შემდეგ გადავაცალოთ კანი და წვრილად დავჭრათ. პამიდორს კანი და თესლი მოვაშოროთ. ნიორი, 2 თავი ხახვი და ცხარე წიწაკა წვრილად დავჭრათ. შოკოლადი გავხეხოთ. ყველა ეს ინგრედიენტი ძმართან ერთად ბლენდერით დავაქუცმაცოთ. ხორცი წვრილად დავჭრათ და შევწვათ ზეთში, მოვაყაროთ მარილი და პილპილი, დავასხათ მომზადებული პიურე. დავასხათ ბულიონი, ჩავამატოთ მიხაკებგარჭობილი 1 თავი ხახვი, დარიჩინის ღერი და 1 საათი თავდახურული, დაბალ ცეცხლზე ვხარშოთ. სტაფილო და კარტოფილი პატარა კუბებად დავჭრათ, დავუმატოთ ხორცს და კიდევ 15 წუთი ვშუშოთ. ქვაბიდან ამოვიღოთ მიხაკებიანი ხახვი, მოვაყაროთ დაჭრილი ქინძი და გადმოვდგათ ცეცხლიდან.

© ღვინის კლუბი /Weekend

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

By submitting this form, you accept the Mollom privacy policy.
საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.

ტოპ ხუთეული