ღორის ხორცის რულეტი შავქლიავას ჩირით

საჭირო მასალა:700 გ ღორის რბილი ხორცი, 300 გ ღორის ხორცის ფარში, 50 გ შავქლიავას ჩირი, 100 გ სოკო, 1 ცალი კვერცხი, 1 ს.კ. ზეთი, 1 ცალი ვაშლი, ხმელი ქინძი, მარილი, პილპილი - გემოვნებით

მომზადება: ღორის ხორცის ნაჭერს შევაზილოთ მარილი, პილპილი, ხმელი ქინძი და 2-3 საათით შევდოთ მაცივარში. ფარშში ავურიოთ სანელებლები, წვრილად დაჭრილი ვაშლი, ზეთში მოშუშული სოკო, კვერცხი და ქლიავის ჩირი. ეს მასა მოვათავსოთ ხორცის ნაჭერზე, გადავახვიოთ, შევკრათ ძაფით და შევდგათ 180 გრადუსზე გახურებულ ღუმელში 1-1,5 საათით. მომზადებული რულეტი დავჭრათ გაგრილების შემდეგ. ღორის ხორცის ნაცვლად შეგვიძლია გამოვიყენოთ საქონლის ან ქათმის ხორციც.

© ღვინის კლუბი/Weekend