გამოქვეყნებულია: 1 მაისი, 2010 - 18:19
ვისკის ცნობილმა შოტლანდიურმა მწარმოებელმა Glenfiddich-მა ბაზარზე 40 წლიანი ვისკის საკოლექციო, ლიმიტირებული პარტია გამოიტანა. ფირმის წარმომადგენლებმა განაცხადეს, რომ ამ ვისკის მხოლოდ 600 ბოთლი გაიყიდება და თითოეული ეგზემპლარი 2600 დოლარი ეღირება. საგულისხმოა, რომ ამ კომპანიის ლიმიტირებული კოლექციები ყოველთვის მაღალი ფასითა და ძვირფასი შეფუთვით გამოირჩევა. ყოველ ბოთლზე დატანილია ნომერი და ხელმოწერა, ბოთლები ცვილითაა დაბეჭდილი და სპილენძის ნიშნით დამშვენებული, ჩასადები ყუთი კი ხბოს ტყავითაა გაწყობილი და პაწაწინა ბოქლომით იკეტება. ამასთან ერთად, ყუთში ვისკის ნამდვილობის დამადასტურებელი სერთიფიკატი დევს, რომელსაც კომპანია William Grant & Sons-ის ხელმძღვანელის, პიტერ გორდონისა და კუპაჟის ოთხი მთავარი სპეციალისტის ხელმოწერა ამშვენებს.
© ღვინის კლუბი/“Weekend“
თემა:
ბეჭდვა
თქვენი კომენტარი