თინუსის საშიმი პამიდვრითა და ჯანჯაფილით

საჭირო მასალა: 350-400 გ თინუსის ფილე, 1 დიდი  სტაფილო, 1 მოზრდილი ბოლოკი, 100 მლ ფორთოხლის წვენი, 0,5 მწვანე წიწაკა, 0,5 ს.კ. თხელი თაფლი, 1-2 ცალი პამიდორი, 1 ს.კ. გახეხილი ნედლი ჯანჯაფილი, 1 ს.კ. დაკეპილი ქინძის ფოთლები, 1 ს.კ. წვრილად დაჭრილი ოხრახუში, 2 ს.კ. სოიის სოუსი, 1 ჩ.კ. სოუსი ტაბასკო, 2-3 ს.კ. შავი და თეთრი ქუნჯუთის  მარცვლები, მარილი - გემოვნებით.

მომზადება: სტაფილო და ბოლოკი გავასუფთავოთ და ძალიან თხლად დავჭრათ. შეგვიძლია გამოვიყენოთ მსხვილი სახეხიც. 50 მლ ფორთოხლის წვენი, წვრილად დაჭრილი წიწაკა, თაფლი და მარილი ავურიოთ და დავასახათ ბოსტნეულს. პამიდორს ამოვაცალოთ თესლი და წვრილად დავჭრათ. შეგვიძლია გამოვიყენოთ დაკონსერვებული პამიდორიც. დარჩენილ ფორთოხლის წვენში ავურიოთ ჯანჯაფილი, ქინძი, ოხრახუში, სოიის სოუსი, მწიკვი მარილი, ტაბასკო, ზეთი და ქუნჯუთის მარცვლები. თინუსის ფილე მოზრდილ ნაჭრებად დავჭრათ, ზედ დავადოთ სტაფილოსა და ბოლოკის სალათა და მოვასხათ მწვანილით, პამიდვრითა და ქუნჯუთის მარცვლებით მომზადებული სოუსი.

© ღვინის კლუბი/Weekend