ბოსტნეული ჩინურ სამოსში

ხამანწკის სოუსი სხვადასხვა საკმაზით ჩინური რესტორნების უმთავრესი მახასიათებელია და რაც მთავარია, არაჩვეულებრივი გემო აქვს. სახლში მისი მომზადება მაინცდამაინც გავრცელებული არაა, მაგრამ ინგრენდიენტების სწორად შერჩევით ნახევარი საქმე უკვე გაკეთებულია. ასე რომ, შინ მომზადების მცდელობასაც არაფერი უდგას წინ. მთავარია, პროდუქტი ბუნებრივი იყოს და საწებელს ზღვის სიმლაშე დაჰკრავდეს.

 

1/4 ჭიქა გამომშრალ სოკო;

1 კგ. მზა ბროკოლი;

1/4 ჭიქა მიწის თხილის ზეთი;

1 სუფრის კოვზი დანაყილი ნიორი (თუ გნებავთ);

1 ქილა ახალი სოკო, გასუფთავებული, ღეროებდაცლილი და წვრილად დაჭრილი;

ნახევარი ჭიქა ხამანწკის სოუსი;

 

1. სოკო გააჩერეთ ძალიან ცხელ წყალში დარბილებამდე (ასე, 15 წუთით). შემდეგ ამოიღეთ წყლიდან და დაკეპეთ. წყალი შეინახეთ. ბროკოლის ფოთლები და ღეროები გააცალკევეთ ერთმანეთისაგან და ორ სანტიმეტრნახევრიანი სიგრძის ვიწრო ნაჭრებად დაყავით.

2. გააცხელეთ ორი სუფრის კოვზი ზეთი მაღალ ცეცხლზე შემოდგმულ ტაფაზე. როდესაც გაცხელდება, დაუმატეთ ბროკოლის ღეროები, ნიორი (თუკი გიყვართ), სოკო და მოასხით მეოთხედი ჭიქა სოკოს წყალი. ხშირად ურიეთ და გააჩერეთ მანამ, სანამ ღეროები არ დარბილდება (ასე, 4 წუთით).

3. ამასობაში, ცალკე პატარა ტაფაზე დარჩენილი ორი კოვზი ზეთი გააცხელეთ. დაყარეთ ზედ ახალი სოკო და გააჩერეთ მანამ, სანამ ფერს არ შეიცვლის.

4. ტაფაზე ან ქვაბში მოათავსეთ ბროკოლის ფოთლები და ხამანწკის სოუსი. ნაზად აურიეთ, რომ ბოსტნული ერთმანეთს შეერიოს. 2 წუთით, მანამ, სანამ ფოთლები არ მოითუთქება, დატოვეთ ცეცხლზე. მიირთვით ცხელი, ხრაშუნა სოკოსთან ერთად.

მომზადების დრო: 20 წუთი,4 ულუფა.