ლოქო პირშუშხათი

საჭირო მასალა: 2 ნაჭერი ლოქოს ფილე, 1 თავი ხახვი, 0,5 გახეხილი პირშუშხას ფესვი ან 1/3 ჭიქა პირშუშხას საწებელი, 0,5 ლ თევზის ბულიონი, 0,5 ლ ნაღები, ცოტა კარაქი და ფქვილი, მარილი, პილპილი – გემოვნებით.

მომზადება: თევზს მოვაყაროთ მარილი, პილპილი და კარაქში ორივე მხრიდან შევწვათ. თევზი ამოვიღოთ, დავუმატოთ დაჭრილი ხახვი და მოვშუშოთ. დავასხათ ბულიონი, ნაღები და ჩავაწყოთ თევზის ნაჭრები. ზემოდან მოვასხათ პირშუშხას საწებელი და 30 წუთით საშუალოდ გახურებულ ღუმელში შევდგათ. სუფრაზე მიტანის წინ შეგვიძლია თევზი ამოვიღოთ სოუსიდან, სოუსი ავთქვიფოთ ბლენდერით და ისე დავუმატოთ თევზს.

© ღვინის კლუბი/Weekend