კობრი ბოსტნეულით

მასალა: 1 კგ თევზი (კობრი), 300 გ. თხლად დაჭრილი ლორი, 700 გ. კანიანად მოხარშული კარტოფილი, 300 გ. მოხარშული სტაფილო, 500 გ. პამიდორი, 3-4 ცალი სხვადასხვა ფერის ბულგარული წიწაკა, 2-3 კამის ღერი, 2 თავი ხახვი, ვაშლის ძმარი, მარილი, პილპილი, პაპრიკა გემოვნებით, 1-2 ს/კ მაიონეზი, 1-2 ს/კ არაჟანი.

მომზადება: ხახვი დავჭრათ სიგრძეზე 2-3 ნაწილად და ჩავაწყოთ ვაშლის ძმარში. თევზი გავასუფთავოთ, წავუსვათ მარილი შიგნიდან და გარედან და სამ ადგილას სიგანეზე ღრმად დავსეროთ. მუცელში ჩავუდოთ კამის ღერები. ჭრილებში ჩავაწყოთ ლორის ნაჭრები, წრეებად დაჭრილი პამიდორი და სიგრძეზე დაჭრილი წიწაკა. თევზი ჩავდოთ ფორმაში, გარშემო ერთიმეორის მიყოლებით შემოვუწყოთ წრეებად დაჭრილი მოხარშული კარტოფილი და სტაფილო, აქა- იქა შემოვულაგოთ წინასწარ დამარინადებული ხახვი. მაიონეზი, არაჟანი, პილპილი და მარილი ავურიოთ ერთმანეთში და მოვასხათ თევზს და ბოსტნეულს, მოვაყაროთ პაპრიკა და შევდგათ ღუმელში. როდესაც თევზის მომზადებას ცოტა დააკლდება, გადავიტანოთ გრილზე და იქ შევბრაწოთ.