წუხელ, მთელი ღამის განმავლობაში კახეთში გადაუღებლად წვიმდა. მოგვიანებით მოსულმა სეტყვამ კი თელავისა და ყვარლის რაიონები მნიშვნელოვნად დააზარალა.
ყვარლის რაიონის სოფელ ენისელის ვენახების 100%-ი, რომელიც ჯერ მოსაკრეფი იყო თითქმის განადგურებულია.
დაისეტყვა თელავის რაიონის სოფლები: წინანდალი, ქვემო ხოდაშენი და ბუშეტი. აქ ვენახების 60%-ია დასეტყვილი.
ვენახების გარდა მნიშვნელოვნად დაზიანდა სასოფლო სამეურნეო სავარგულები.
სტიქიამ დააზარალა ქ. თელავიც. წაქცეულია ელექტრო ბოძები და მოსახლეობის უმეტეს ნაწილს ამ დროისთვის ელ-ენერგია არ მიეწოდება. ჩოლოყაშვილის ქუჩაზე კი საცხოვრებელი სახლების პირველი სართულები დატბორილია.
“დღესვე შეიქმნება სპეციალური კომისია, რომელიც ზარალს დაითვლის და არსებულ მონაცემებს ცენტრალურ ხელისუფლებას წარუდგენ” - განუცხადეს რადიო ჰერეთს კახეთის სამხარეო ადმინისტრაციაში.
© რადიო „ჰერეთი“
ბეჭდვა
თქვენი კომენტარი