ყველაზე იაფფასიანი ვისკი

მსოფლიოში ყველაზე იაფი ვისკი ლაოსში შეგიძლიათ შეიძინოთ – ამ სასმელის ერთი სტანდარტული ბოთლის ფასი 75 ცენტს არ აღემატება. ცნობილია, რომ  ყველაზე იაფი პროდუქცია სამხრეთ-აღმოსავლეთ აზიის ბაზარზეა. აქამდე ყველაზე ხელმისაწვდომ ალკოჰოლურ სასმელად რუსული არაყი ითვლებოდა, თუმცა ზოგიერთმა საკანონმდებლო ცვლილებამ არყის  ფასის გაზრდა გამოიწვია და ეს სასმელი ახლა უკვე წინანდელთან შედარებით ხუთჯერ ძვირი ღირს, ვიდრე ლაოსური ვისკი. ბრინჯისგან დამზადებულ ვისკის, რომლის სიმაგრეც 40-45% აღწევს, ადგილობრივები ,,ლაო-ლაოს” უწოდებენ. მისი შეძენა ყველგან შეიძლება – სოფლებშიც, სუპერმარკეტებშიც  და ტურისტულ ცენტრებშიც. მართალია, ვისკი უბრალო და იაფფასიანია, მაგრამ სულაც არ აქვს ცუდი გემო. როგორც ამბობენ, ზოგიერთ ტურისტს ასეთი დაბალი ფასი აფრთხობს, მათ ჰგონიათ, რომ სასმელის ხარისხი ფასის შესაბამისია, მაგრამ სინამდვილეში ვისკი ,,ლაო-ლაო” სასიამოვნო, რბილი  დასალევია და ვანილის არომატი დაკრავს.