ყველაზე ცხარე არაყი

Naga Jolokia მსოფლიოში წიწაკის ყველაზე ცხარე ჯიშად ითვლება. მასში ნივთიერება კაპსაიცინის შემცველობა იმდენად მაღალია, რომ სკოვილის შკალაზე, რომლის მიხედვითაც განისაზღვრება სიცხარის ინდექსი, 1 040 000 ბალი აქვს მინიჭებული. მსოფლიოში სულ რამდენიმე ადამიანი თუ მოიძებნება, ვისაც ამ ჯიშის წიწაკის გასინჯვა ცრემლების გარეშე შეუძლია. ბრიტანულმა კომპანია Master of Malt-მა გადაწყვიტა სწორედ Naga Jolokia-ს ბაზაზე დაემზადებინა მსოფლიოში ყველაზე ცხარე არაყი - 100,000 Scovilles - Naga Chilli Vodka. წიწაკის შემცველობა სასმელში იმდენად მაღალია, რომ არაყი შეფერილობით ვისკის უფრო წააგავს. მისი დალევისას სიფრთხილე უნდა გამოიჩინოთ და ეტიკეტზე დატანილი ინსტრუქცია უნდა გაითვალისწინოთ, თუ არ გინდათ, რომ სულ რაღაც 50 მლ არყის დალევის შედეგად ნამდვილ ცეცხლისმფრქვეველ დრაკონად გადაიქცეთ. იმ შემთხვევისთვის, თუ 100,000 Scovilles - Naga Chilli Vodka საჩუქრად გინდათ, ეტიკეტზე წერია: ,,არყის გაჩუქებისას ვალდებული ვარ ადრესატი შესაძლო საფრთხის შესახებ გავაფრთხილო.” ამ არყის განუზავებლად დალევა, რასაკვირველია, არ შეიძლება, ის კოქტეილების ან კერძების მოსამზადებლად გამოიყენება.