გამოქვეყნებულია: 11 თებერვალი, 2009 - 20:33
საქართველოს სოფლის მეურნეობის მინისტრი ბაკურ კვეზერელი ირწმუნება, რომ კახეთში ვაზის გაჩეხვის პროგრამა დასრულდა და აღარ გაგრძელდება. “ეს პროგრამა, რომელიც ერთი ჰექტარი ვაზის გაჩეხვის სანაცვლოდ, კომპენსაციის სახით სახელმწიფო ბიუჯეტიდან მეპატრონისთვის 2000 ლარის გადახდას ითვალისწინებდა, მხოლოდ დედოფლისწყაროს რაიონის სამ სოფელში და ყვარლის რაიონის სოფელ გავაზში ხორციელდებოდა. ამ ტერიტორიაზე, რომელიც სულ 69 ჰექტარია, უხარისხო ყურძენი მოდიოდა, რაც გლეხებს მოსავლის ჩაბარების დროს სერიოზულ პრობლემებს უქმნიდა,”-განმარტა მინისტრმა.
ამასთანავე მინისტრი უარყოფს გავრცელებულ ინფორმაციას იმის შესახებ, რომ თუ ხალხის მოთხოვნა იქნება, მსგავსი პროგრამა შესაძლოა, სხვა რაიონებზეც გავრცელდეს.
რადიო “კომეტსანტი”
ბეჭდვა
თქვენი კომენტარი