ვარსკვლავური კასრი

როგორც ცნობილია, ჰოლივუდის ვარსკვლავებს ანჯელინა ჯოლისა და ბრედ პიტს საფრანგეთში ღვინის მეურნეობა აქვთ და ღვინის გაყიდვების საქმეც კარგად მისდით. აღმოჩნდა, რომ ამ პოპულარული წყვილის არა მარტო ღვინო, არამედ კასრებიც კი დიდი მოთხოვნით სარგებლობს - ახლახან გამართულ საქველმოქმედო აუქციონზე Chateau Miraval-ის 228-ლიტრიანი კასრი 10 100 ევროდ გაიყიდა. პიტმა და ჯოლიმ Chateau Miraval 2008 წელს 40 მილიონ ევროდ შეიძინეს და ძირითადად საზაფხულო რეზიდენციად იყენებენ. მამულს აქვს 25 ჰექტარზე გაშენებული ვენახი, ღვინის წარმოების საქმე კი ფრანგ მეღვინეთა ოჯახს - პერენებს - აბარიათ. სწორედ ისინი ასხამენ Miraval AOC Cotes de Provence-ის მარკით აღნიშნულ წითელ, თეთრ და ვარდისფერ ღვინოებს.

© ღვინის კლუბი/Weekend