ვარდისფერი ფრონტი

ფრანგულმა კომპანიებმა Castel-მა და Vranken-Pommery Monopole-მა პარტნიორობის ხელშეკრულებას მოაწერეს ხელი. მათი მიზანია ვარდისფერი ღვინოების გაყიდვების გაზრდა მსოფლიო მასშტაბით, განსაკუთრებით კი განვითარებადი ბაზრების ათვისება. როგორც გამოცემა Decanter იუწყება, ეს კომპანიები აპირებენ ერთიანი სტრუქტურის შექმნას, რომელსაც Listel SA ერქმევა და რომლის თანაბარი მეწილეებიც იქნებიან. Vinexpo-ს წელს გამოქვეყნებულ ანგარიშში ნათქვამია, რომ 2016 წლისთვის როზეს მოხმარება მსოფლიოში 7,6%-ით გაიზრდება. თუ ეს პროგნოზი გამართლდება, 2016 წელს მოხმარებული ღვინის 9% როზე იქნება. ახალი კომპანიის მესვეურები წელიწადში 40 მილიონი ბოთლის გაყიდვას გეგმავენ, ფოკუსირებას კი ჩინეთის, რუსეთისა და აფრიკის მზარდ და განვითარებად ბაზარზე მოახდენენ.

© ღვინის კლუბი/Weekend