გამოქვეყნებულია: 3 სექტემბერი, 2009 - 12:47
გაზეთ "ქიზიყის" ცნობით, სამთაწყაროში რთველი დასრულდა. როგორც დედოფლისწყაროს გამგებელი ლევან ბაღაშვილი ამბობს, წელს სამთაწყაროელმა მევენახეებმა 600 ტონაზე მეტი საფერავი მოკრიფეს. სამთაწყაროს რწმუნებული პაატა ნადირაშვილი კი ამბობს, რომ რთველი 24 აგვისტოდან დაიწყო და 30-ში დასრულდა: ,,სამთაწყაროელების ყურძენი წნორის ღვინის ქარხანამ 40 თეთრად ჩაიბარა, ამას სახელმწიფო სუბსიდიის სახით კილოგრამზე 25 თეთრიც ემატება".
საბოლოო ჯამში მოსახლეობა კმაყოფილია. - ამბობს რწმუნებული და დასძენს, რომ გასული წლებისგან განსხვავებით წელს სამთაწყაროელებს ყურძნის ჩაბარებაზე პრობლემა არ ჰქონიათ.
დედოფლისწყაროს გამგეობაში აცხადებენ, რომ საზღვრისპირა სოფელში გამგეობის თანამშრომლები ყოველდღიურად მორიგეობდნენ და მოსახლეობას ყურძნის რეალიზაციაში ეხმარებოდნენ.
© რადიო "ჰერეთი"
ბეჭდვა
თქვენი კომენტარი