1947 წლის მოსავლის Chateau Cheval Blanc-ს კრიტიკოსები ღვინის ისტორიაში საუკეთესოდ ასახელებენ. უკვე დიდი ხანია ბორდოს ღვინოების ამ წლის ვინტაჟი აუქციონზე ყველაზე ძვირად ფასობს. ცოტა ხნის წინ ჰონკონგში გამართულ აუქციონზე კერძო კოლექციონერის მარნიდან გამოტანილი 6 ბოთლი Chateau Cheval Blanc 83 845 დოლარად გაიყიდა. აღსანიშნავია, რომ ღვინოChateau Cheval Blanc-ის უნიკალურობის მიზეზი იმ წლის იდეალური ამინდი გახდა – 1947 წელს ბორდოში იშვიათად წვიმდა და გვარიანად ცხელოდა. როგორც ექსპერტები ამბობენ, ამ ლეგენდარულ ღვინოს დაჰკრავს ძირტკბილასა და ქლიავის არომატი, ხავერდოვანი, ტანინიანი, სხეულიანი ღვინოა და ხანგრძლივი დაბოლოებით ხასიათდება. ჰონკონგის აუქციონამდე Chateau Cheval Blanc-ის ერთი ბოთლი ჟენევაში გამართულ Christie's -ს აუქციონზე 304 580 დოლარად გაიყიდა და მაშინაც მსოფლიოში ერთ-ერთ უძვირფასეს ღვინოდ დასახელდა.
© ღვინის კლუბი/Weekend
ბეჭდვა
თქვენი კომენტარი