მარკეტინგული სააგენტო Intangible Business-ის მიერ ჩატარებული კვლევის შედეგად ცნობილი გახდა, რომ ყველაზე ღირებულ ალკოჰოლურ ბრენდად უკვე მეექვსედ დაასახელეს Smirnoff. რეიტინგის 5%-იანი ვარდნის მიუხედავად, 2011 წელს Smirnoffკვლავ პირველ ადგილს ინარჩუნებს. 2010 წელს მისი პოზიციები 93,6%-ით, 2011-ში კი – 88,9%-ით შეფასდა. რეიტინგის მცირეოდენი ვარდნა აიხსნება იმით, რომ გასულ წელს არყის წარმოება 1%-ით შემცირდა, თვითონ ბრენდის რეპუტაცია 2%-ით, ხოლო ღირებულება - 4%-ით დაეცა.
ბაზრის ლიდერისგან განსხვავებით, რეიტინგში მთელი 17 პუნქტით წაიწია წინ და 29 ადგილი დაიმკვიდრა შვედურმა ბრენდმა Svedka-მ.
Smirnoff-ის შემდეგ მეორე ადგილზეა რომი Bacardi, რომლის რეიტინგიც წელს უმნიშვნელოდ გაიზარდა.
3, 4 და 5 ადგილებს ინაწილებენ ვისკი Johnnie Walker, ვერმუტი Martiniდა არაყი Absolut. ბრენდმა Hennessy-მ კი პოზიციები დათმო და მეხუთე ადგილიდან მეშვიდეზე გადაინაცვლა.
© ღვინის კლუბი/Weekend
ბეჭდვა
თქვენი კომენტარი