ღვინის ეროვნულმა სააგენტომ გამოაქვეყნა 2017 წლის პირველი 4 თვის ქართული ღვინის ექსპორტის მონაცემები. ამ დროის მანძილზე სულ საქართველოდან მსოფლიოს 39 ქვეყანაში ექსპორტირებულია 18,4 მლნ ბოთლი ღვინო, რაც 59%-ით აღემატება გასული წლის ამავე პერიოდის მონაცემებს. ესაა 41,4 მლნ აშშ დოლარის ღირებულების ღვინო, რაც 54%-ით აღემატება გასული წლის მაჩვენებელს.
რაოდენობრივად, ყველაზე დიდი მატება ჩინეთშია, თუმცა სასიამოვნოა, რომ პროცენტული მატებაა ასევე გერმანიასა და საფრანგეთშიც:
ჩინეთი - 207% (2 391 981)
საფრანგეთი - 332% (65 040)
აზერბაიჯანი - 217% (42 264)
ისრაელი - 150% (65 490)
რუსეთი - 87% (11 076 205)
გერმანია - 38% (145 168)
ბელარუსი - 37% (183 150)
უკრაინა - 26% (1 874 212)
პოლონეთი - 19% (814 882)
ლატვია - 14% (400 190)
რუსეთი კვლავ რჩება უპირობო ლიდერ ქვეყნად ქართული ღვინის ექსსპორტის თვალსაზრისით, ცუტეული კი კვლავ უცვლელია, იმ განსხვავებით რომ 2017 წლის პირველი 5 თვის განმავლობაში ჩინეთი მყარად დამკვიდრდა მეორე ადგილზე:
რუსეთი -11 076 205
ჩინეთი -2 391 981
უკრაინა - 1 874 212
პოლონეთი - 814 882
ყაზახეთი - 602 407 ბოთლი.
გარდა ამისა, მსოფლიოს 14 ქვეყანაში ექსპორტირებულია 4 325 298 ბოთლი (0,5 ლ) ბრენდი, რაც 56%-ით აღემატება 2016 წლის ამავე პერიოდის მაჩვენებელს და 16 ქვეყანაში გავიდა 63 410 ბოთლი (0,5 ლ) ჭაჭა, ექსპორტის ზრდამ კი 124% შეადგინა.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი
ბეჭდვა
თქვენი კომენტარი