გამომცხვარი თევზი კარტოფილის პიურეთი

საჭირო მასალა: 4 ნაჭერი თეთრი თევზის ფილე, 3 ცალი კარტოფილი, 1 ს.კ. ზეითუნის ზეთი, 1 ს.კ. კარაქი, 1 ცალი კვერცხი, 1 ცალი ლიმონი, 1 ს.კ. საფანელი, 2 ტოტი როზმარინი,  4 ღერი მწვანე ხახვი, მარილი, ჯავზი – გემოვნებით.

მომზადება: თევზის ნაჭრები წამოვადუღოთ მარილ-წყალში. კარტოფილი მოვხარშოთ და დავჭყლიტოთ კარაქთან, კვერცხთან, მარილთან და ჯავზთან ერთად. ფორმას წავუსვათ ზეთი, მოვაყაროთ საფანელი, ჩავაწყოთ თევზის ნაჭრები და ზედ საკონდიტრო ტომრის საშუალებით  დავადოთ კარტოფილის პიურე, შევდგათ კარგად გახურებულ ღუმელში და როდესაც ზემოდან  გაოქროსფერდება, გამოვიღოთ, მოვრთოთ მწვანე ხახვით, როზმარინის ტოტებით, ლიმნის ნაჭრებით და სურვილისამებრ  მივირთვათ პომიდვრის საწებელთან ერთად.

© ღვინის კლუბი/Weekend