მილიარდი ვენახისთვის

ჩინური კომპანია Dynasty Fine Wines Group Ltd. რომლის თითქმის მეოთხედიც (27%) ფრანგულ გიგანტ Remy Cointreau SA–ს ეკუთვნის, მზადაა მილიარდი იუანი (146 მილიონი დოლარი) გადაიხადოს ახალი ვენახების შესაძენად. საზღვარგარეთ აქტივების ძებნაზე ზრუნვისკენ კომპანიას მუდმივად მზარდმა ბაზარმა, პროდუქციაზე ქვეყნის შიგნით გაზრდილმა მოთხოვნილებამ და ჩინეთში ვენახის გაშენებისთვის ხელსაყრელი ნაკვეთების ნაკლებობამ უბიძგა. რთველში ექვსთვიანი სხვაობის გამო კომპანიის წარმომადგენლები დიდ ინტერესს იჩენენ ავსტრალიის, ახალი ზელანდიისა და ჩილეს ვენახების მიმართ, თუმცა, განიხილება საფრანგეთის ვარიანტიც. კომპანიის ანალიტიკოსები ჩინური ღვინის ბაზრის 10%-იან მატებას ვარაუდობენ და მომავალი სამი წლის განმავლობაში აპირებენ 43%-ით გაზარდონ წარმოება.