ჩრდილეთ ირლანდიის სოფელი ბუშმილსი ვისკის წარმოების 4-საუკუნოვანი ტრადიციით არის ცნობილი. თუმცა დღეს სოფელს რთული პერიოდი უდგას – ტურისტების რაოდენობა დღითიდღე მცირდება, ვისკიც გაყიდვებმაც საგრძნობლად იკლო. სოფლის მეთაურმა კი გადაწყვიტა, იქაურობა ტურისტთათვის კვლავ მიმზიდველად ექცია და ამისათვის ფრიად გაბედული ნაბიჯი გადადგა: ერთ მშვენიერ დღესაც სოფლის მთავარ ქუჩაზე გაჩნდა უამრავი ბარი, რესტორანი, მაღაზია, საცხობი თუ სახელოსნო... ოღონდ ეს ყველაფერი სახლის ფასადებზე ოსტატურად შესრულებული ნახატი აღმოჩნდა. ერთი შეხედვით შეუძლებელია მიხვდე, რომ სარეკლამო ბროშურების ფოტოებზე გამოსახული ბარ-რესტორნები ნამდვილი არ არის და მხოლოდ სარეკლამო ხრიკია. ამ ეშმაკურმა ჩანაფიქრმა შედეგი უკვე გამოიღო: გასულ წელთან შედარებით წელს სოფელში ჩასული ტურისტების რაოდენობა საგრძნობლად გაიზარდა, შესაბამისად, მათი ვისკიც დიდი რაოდენობით გაიყიდა.
© ღვინის კლუბი/Weekend
ბეჭდვა
თქვენი კომენტარი