2009 წლის გერმანიის ბიუჯეტი ალკოჰოლის გაყიდვებით 3,3 მილიარდი ევროთი შეივსო. ამ ფაქტით გრძელდება ალკოჰოლის შემოსავლების ვარდნის ტენდენცია, რომელიც გდრ-ისა და გფრ-ის გაერთიანების შემდეგ დაიწყო. კრიზისულ წელთან შედარებით ეს თანხა პრაქტიკულად არც შეცვლილა. 1991 წლიდან ალკოჰოლური პროდუქციის რეალიზაციით მიღებული შემოსავლები ბიუჯეტში 4,3 მილიარდიდან 3,3 მილიარდ ევრომდე შემცირდა. წლიურად ბიუჯეტში ლუდს 730 ევრო შეაქვს, ძლიერ ალკოჰოლს - 2,1 მილიარდი ევრო, ცქრიალა და ჩვეულებრივ ღვინოებს - 472 მილიონი ევრო და მხოლოდ 2 მილიონი ევრო ნაკლებალკოჰოლურ გაზიან სასმელებზე და მზა კოქტეილებზე, ეგრეთწოდებულ "ალკოპაპსებზე" მოდის. აქვე მნიშვნელოვანია, რომ ლუდის გაყიდვით შემოსული გადასახადები ფედერალური მიწების ხაზინაში შედის, ყველა დანარჩენი ალკოჰოლური სასმელიდან კი – ქვეყნის საერთო ბიუჯეტში.
© ღვინის კლუბი/“Weekend“
ბეჭდვა
თქვენი კომენტარი