გერმანელებმა ლუდის სმას მოუკლეს

შარშან გერმანიაში ლუდის მოხმარება 1,8 მილიონი ჰექტოლიტრით შემცირდა, მიუხედავად იმისა, რომ ბოლო გამოკვლევების მიხედვით, გერმანელები მსმელ ხალხებს შორის ერთ-ერთ მოწინავე ადგილს იკავებენ. თუკი 2000 წელს ერთ გერმანელზე წელიწადში 143 ლიტრი ლუდი მოდიოდა, 2009 წელს ეს მაჩვენებელი 121 ლიტრამდე შემცირდა. აქვე აღსანიშნავია, რომ გერმანიაში 1300 ლუდსახარში ქარხანაა რეგისტრირებული, რომლებიც 5000-ზე მეტი დასახელების ლუდს აწარმოებენ.