ოქსფორდის უნივერსიტეტის მეცნიერები რამდენიმე წლის განმავლობაში აკვირდებოდნენ იმას, თუ როგორ მოქმედებს სასმლის ხარისხსა და გაყიდვებზე ჭურჭელი, რომელშიც ის ინახება ან იყიდება. მკვლევართა თქმით, სქელძირიან მინის ჭიქაში ჩამოსხმული ჩვეულებრივი ჯინ ტონიკი ადამიანს უფრო მეტ სიამოვნებას ანიჭებს, ვიდრე მსუბუქ ჭიქაში ჩამოსხმული, რომელიც უგემურიც კი შეიძლება მოგეჩვენოთ. ანალოგიური სიტუაციაა სხვა სასმელების, მაგალითად, ლუდის ან ღვინის შემთხვევაშიც. როდესაც სასმელს მძიმე, გაუმჭვირვალე ბოთლით ყიდულობ, გგონია, რომ ის ბევრად ძვირფასია და გემრიელიც გეჩვენება. ღვინის შემთხვევაში ამას ისტორიული ფესვები აქვს - ადრე ამ ძვირფას სასმელს სქელმინიან ბოთლებში ასხამდნენ, რომ კარგად შენახულიყო და ტრანსპორტირებისთვისაც უპრობლემოდ გაეძლო. ახლა კი ასეთმა მიდგომამ შეიძლება შეცდომაში შეგვიყვანოს და მძიმე, გაუმჭვირვალე ბოთლში ჩამოსხმული იაფფასიანი სასმელი ძვირფასად შემოგვეყიდოს.
© ღვინის კლუბი /Weekend
ბეჭდვა
თქვენი კომენტარი