მდნარი ყველის სუპი სტაფილოთი

საჭირო მასალა: 100 გ მდნარი ყველი, 100 გ შაშხი, 1 ცალი სტაფილო, 2-3 ცალი კარტოფილი, 1-2 ს.კ. ზეთი, 1 თავი ხახვი, მარილი, წიწაკა – გემოვნებით.

მომზადება: ქვაბში ჩავყაროთ კუბებად დაჭრილი კარტოფილი, დავასხათ იმდენი წყალი, რომ დაფაროს და დავდგათ ცეცხლზე მოსახარშად. სტაფილო მსხვილად გავხეხოთ და წვრილად დაჭრილ ხახვთან ერთად მოვშუშოთ ზეთში, შემდეგ ჩავუმატოთ წვნიანს. დავუმატოთ ასევე წვრილად დაჭრილი შაშხი, ბოლოს კი - ყველი. როცა ბოსტნეული მოიხარშება, წვნიანი მზადაა. მივირთვათ გახუხულ პურთან ერთად.

© ღვინის კლუბი/Weekend