ისრაელის ტურიზმის მინისტრი უზი ლანდაუ “ღვინის გზის” ტურით გალილეაში ჩავიდა. ქვეყნისათვის ეს ერთ-ერთი უმნიშვნელოვანესი და საინტერესო პროექტი თავად ტურიზმის სამინისტროს მხარდაჭერით ხორციელდება. გალილეაში ჩასულ სტუმრებს ტურის მესვეურნი ვენახებისა და ქარხნების, მცირე მეურნეობებისა და მარნების დათვალიერებას სთავაზობენ. მინისტრმა და უწყების სხვა წარმომადგენლებმა რეგიონში გაშენებული ვენახები და მარნები დაათვალიერეს, მათ შორის დიშონი, დალტონი და რიმონი. ბატონი უზი ლანდაუ აღნიშნავს, რომ ტურიზმის სამინისტრომ პროექტის - “ღვინის გზა გალილეაში” - განვითარებისათვის პირველ ეტაპზე 250 ათასი შეკელი გამოყო, სამომავლოდ კი პროექტის უფრო გაფართოებას გეგმავს. “გალილეა არაფრით ჩამოუვარდება ტოსკანას. ჩვენ გვაქვს შესანიშნავი ღვინო და საუცხოო ადგილები, ჩვენ გაგვაჩნია უდიდესი ტურისტული პოტენციალი, რომელსაც სამომავლოდ სრულად გამოვიყენებთ,” – აღნიშნავს მინისტრი ლანდაუ.
© ღვინის კლუბი /Weekend
ბეჭდვა
თქვენი კომენტარი