ღვინის ბაზრზე იმდენად დიდი კონკურენციაა, რომ ამ საქმეში უკვე პოლიტიკოსებიც ჩაერთვნენ. ამის საუკეთესო მაგალითია ევროპის კავშირისა და ისრაელის დაპირისპირება. ყველასთვის ცნობილია ისრაელ-პალესტინის კონფლიქტის შესახებდა სადაო ტერიტორიების შესახებ.ევროკავშირის წარმომადგენელები ისრაელელ მეღვინეებს სთხოვენ, პროდუქციის ეტიკეტზე გეოგრაფიული წარმომავლობა მიუთითონ. თუ ისრაელელი მეწარმეები დათანხმდებიან და, ვთქვათ, ასეთ წარწერას გააკეთებენ - “ისრაელის პროდუქცია პალესტინის ოკუპირებული ტერიტორიებიდან” – ეს არც მათი ბიზნესისათვის იქნება ხელსაყრელი და ვერც მყიდველს მიიზიდავენ. ისრაელელ მეღვინეებს მიაჩნიათ, რომ ასეთი ზეწოლა უსამართლობაა. მათ საკმაოდ დიდ ფასად აქვთ შეძენილი მიწები, მათ შექმნეს სამუშაო ადგილები, ბიუჯეტშიც საკმაო გადასახადს იხდიან, არც არავის ძაცვავენ და არც არავის კლავენ. ევროკავშირის კანონმდებლობაში კი მითითებულია, რომ ისინი ვალდებულნი არიან დაიცვან საკუთარი მოქალაქეების არჩევანი. მართალია, ამით დაისჯება ისრაელი, როგორც სახელმწიფო, მაგრამ რეალურად ყველაზე დიდ ზარალს ისრაელელი ბიზნესმენები და მშრომელი ადამიანები ნახავენ. უკანასკნელი ცნობებით, ისრაელში ვენახები 5500 ჰექტარზეა გაშენებული. უკანასკნელი მონაცემების მიხედვით, 2012 წლის მოსავლიდან 29,8 მილიონი დოლარის ღირებულების ღვინო ქვეყნის გარეთ – ძირითადად, ამერიკაში, საფრანგეთსა და დიდ ბრიტანეთში გაიტანეს.
© ღვინის კლუბი/Weekend
ბეჭდვა
თქვენი კომენტარი