ცხარე ლუდი

ორეგონული კომპანია Rogue Ales-ის მელუდეებმა სრულიად ახლებური ლუდი მოხარშეს. მათ პორტერს - Sriracha Hot Stout Beer - სრირაჩას ცხარე სოუსი აქვს დამატებული. სრირაჩა ტაილანდში, ვიეტნამსა და სხვა აზიურ ქვეყნებში გავრცელებული სოუსია, რომელის ძირითადი ინგრედიენტი ტაილანდური წიწაკა ჩილია. კომპანია Rogue Ales-ის წარმომადგენლები განმარტავენ, რომ ჩილიანი ლუდი ბევრისთვის უცნაური სასმელია. თუმცა გასულ წელს მათ ეს ლუდი ამერიკულ ბარებში საცდელად შეიტანეს და ძალიან მალე ჰიტადაც იქცა. “ყველა ადამიანს განსხვავებული გემოვნება აქვს. შეიძლება, თქვენ მიირთვათ სანელებლებით შეზავებული კერძი და მოტკბო გემო დაგრჩეთ ან მიირთვათ სრირაჩას სოუსიანი ლუდი და პირი სულაც არ დაგეთუთქოთ,” – განმრტავს კომპანიის ხელმძღვანელი მაიკლ ჰიგენსი. ცხარე პორტერის შეძენა ჯერჯერობით მხოლოდ პორტლენდის პაბებში ან კომპანიის საიტზე შეგიძლიათ. ერთი ბოთლი ცხარე ლუდი სულ რაღაც 13 დოლარი დაგიჯდებათ.   

© ღვინის კლუბი /Weekend