ჩვენი გაზეთის ერთ-ერთ წინა ნომერში ვწერდით, რომ იაპონიას, სხვა ქვეყნებთან ერთად, მოლდოვამაც გაუწოდა დახმარების ხელი და სტიქიით დაზარალებულ იაპონელებს წითელი ღვინო გაუგზავნა. როგორც ცნობილია, წითელი ღვინო რადიაციით დასხივებულთა ჯანმრთელობის მდგომარეობაზე სასიკეთოდ მოქმედებს.
მოლდოველ კოლეგებს ახლა უკვე აზერბაიჯანელმა მეღვინეებმაც მიბაძეს და იაპონიაში წითელი ღვინის რამდენიმე სახეობას გაგზავნიან. აზერბაიჯანს ამგვარი გამოცდილება უკვე აქვს – წლების წინ, როცა უკრაინაში, ჩერნობილის ატომურ სადგურზე ავარია მოხდა, ავარიის ლიკვიდაციაზე მომუშავეებს სწორედ აზერბაიჯანმა გაუგზავნა ყველაზე მეტი რაოდენობის წითელი ღვინო. აზერბაიჯანული წითელი ღვინო ჩერნობილში ცისტერნებით შეჰქონდათ და წამალივით გაიცემოდა - რეაქტორში ყოველი შესვლის წინ ჯარისკაცებს 100 მლ ღვინოს ასმევდნენ. როგორც ექსპერტი ხანლარ ჰასანოვი ამბობს, რადიაციის საფრთხის დროს ყველანაირი ღვინო არ გამოდგება. ღვინო შეიძლება იყოს წითელიც და თეთრიც, მაგრამ აუცილებლად მშრალი, უშაქრო. მისი მიღება რეკომენდებულია ყოველ სამ საათში ერთხელ 100 მლ-ის ოდენობით. იდელური ვარიანტია ღვინის 60-70 გრადუსამდე შეთბობა, მაგრამ ექსტრემალურ პირობებში, როგორც წესი, ამის საშუალება არ არსებობს.
© ღვინის კლუბი/Weekend
ბეჭდვა
თქვენი კომენტარი