გერმანელი მეღვინეები გასულ წელს ამაოდ ელოდნენ აისვაინის დასაყენებლად საჭირო ყინვებს. უჩვეულოდ თბილმა ზამთარმა ლამის ყველანაირი იმედი გადაუწურა მათ, თუმცა 17 იანვრის ღამეს ტემპერატურის მკვეთრმა ვარდნამ ოპტიმიზმის საფუძველი გააჩინა. არახელსაყრელი ამინდების გამო აისვაინის მოსავალი ჩვეულებრივზე ნაკლები იქნება – წინასწარი მონაცემებით დანაკარგმა დაახლოებით 20% შეადგინა. სულ არარაობას, რა თქმა უნდა, ნაკლული მოსავალი სჯობს და ბადენის, ფრანკონიის, მოზელის, რეინჰაუს, პფალცის, ვიურტემბერგისა და რეინჰესენის ვენახებში აისვაინის რთველისთვის ემზადებიან. 2011 წელი არც აისვაინის ჩრდილოამერიკელი მწარმოებლებისთვის გამოდგა წარმატებული. ონტარიოში ჩვეულებრივზე მეტად თბილოდა და ტემპერატურა საჭირო -8 გრადუსზე ქვევით არ დაცემულა. შესაბამისი ამინდის მოლოდინში მოსავლის მნიშვნელოვანი ნაწილი დაიკარგა. ამერიკის შეერთებულ შტატებში ტემპერატურის მკვეთრი ვარდნა მხოლოდ 3 იანვარს, ანუ მოსალოდნელზე ერთი თვით გვიან, ისიც ძალზე მცირე ხნით, დაფიქსირდა.
© ღვინის კლუბი/Weekend
ბეჭდვა
თქვენი კომენტარი