ავსტრიელი მეღვინეების რეკორდი

მართალია, ავტრიელი მეღვინეებისთვის 2010 წელი რთული იყო, მაგრამ მისი დასასრული მაინც სასიკეთო აღმოჩნდა. 2009 წლის დაბალმა მოსავლიანობამ თავისთავად გამოიწვია ჩამოსასხმელი ღვინის ექსპორტის შემცირება. ამასთან, ბოთლებში ჩამოსხმული 1 ლიტრი ღვინის საშუალო ფასმა 2 ევროს გადააჭარბა. ასეთი მდგომარეობა, სავარაუდოდ, კვლავ შენარჩუნდება, ვინაიდან გასული წლის მოსავალიც მოსალოდნელთან შედარებით მცირე იყო. Statistik Austria–ს მონაცემებით და (AWMB)–ის პროგნოზებით, 2010 წლის იანვარ-ოქტომბერში ღვინის ექსპორტმა მკვეთრად იკლო. ბრუნვის მოცულობა 44%-ით, ხოლო თანხობრივად 34%-ით შემცირდა. იმავდოულად, მაღალხარისხიანი ბოთლის ღვინის ექსპორტი გაიზარდა და მოცულობის მიხედვით 10%, თანხობრივად კი – 9%-ით მოიმატა. როგორც Austrian Wine Marketing Board–ის ექსპერტები ვარაუდობენ, ავსტრიული ღვინოების ექსპორტი კიდევ 13.7%-ით შემცირდება და 60 მილიონ ლიტრამდე დავა, სამაგიეროდ, თანხობრივად 2,6%-ით მოიმატებს და რეკორდულ მაჩვენებელს - 122 მილიონ ევროს მიაღწევს. ბოთლის ღვინის წილი ექსპორტში საერთო მოცულობის 91% შეადგენს, რაც ავსტრიული ღვინის წარმოების განვითარებისთვის მეტად მნიშვნელოვანია. 

© ღვინის კლუბი/Weekend