ავსტრალიელი მეღვინეები გასაღების ბაზრის გაფართოებას ცდილობენ. მართალია, ამერიკის შეერთებული შტატები და დიდი ბრიტანეთი კვლავ მათ ძირითად სამიზნედ რჩება, მაგრამ ავსტრალიური დოლარის კურსის ცვალებადობა ექსპორტს სულ უფრო აძვირებს და ამის გამო პროდუქცია იქაური მომხმარებლისთვის ნაკლებად მიმზიდველი ხდება. ეს ტენდენცია ბოლოდროინდელ მონაცემებზეც აისახა - გასულ წელს ავსტრალიური ღვინის გაყიდვები დიდ ბრიტანეთში 6%-ით, ხოლო ამერიკის შეერთებულ შტატებში - 19%-ით შემცირდა.
ამ ეტაპზე ავსტრალიელი მეღვინეები გათვლას აღმოსავლეთის ქვეყნების მზარდ ბაზარზე აკეთებენ და მათი მარკეტინგული იმედებიც დიდწილად აზიაზეა დამყარებული. ავსტრალიური ღვინის ექსპორტის მოცულობა იაპონიაში, სინგაპურსა და ჰონკონგში ეტაპობრივად იზრდება, ხოლო ჩინეთში, მხოლოდ გასულ წელს, ექსპორტი 12%-ით გაიზარდა.
© ღვინის კლუბი/Weekend
ბეჭდვა
თქვენი კომენტარი