ბლინის ტორტი თინუსის კონსერვით

საჭირო მასალა:ბლინებისთვის - 2 კვერცხი, 0,5 ს.კ. შაქარი, მარილი, 1 ჭიქა მდუღარე წყალი, 1 ჭიქა კეფირი, 1 ჭიქა ფქვილი, დანის წვერით სოდა, 3 ს.კ. ზეთი.

გულსართისთვის: - 1 ქილა დაკონსერვებული თინუსი, 1 კონა კამა, 1 ს.კ. უკურკო ზეთისხილი, 2 ცალი მოხარშული კვერცხი, ლიმნის წვენი - გემოვნებით.

მომზადება:კვერცხი და შაქარი ავთქვიფოთ, დავამატოთ მდუღარე წყალი, კეფირი, სოდაარეული ფქვილი და 2/3 ს.კ. ზეთი. ცომი თხელ ფენად დავასხათ გახურებულ, ზეთწასმულ ტაფაზე და ორივე მხრიდან გამოვაცხოთ. თინუსის კონსერვი, წვრილად დაჭრილი მოხარშული კვერცხი, ზეთისხილი, კამა და ლიმნის წვენი ავურიოთ და ავზილოთ, შეგვიძლია გავატაროთ ხორცსაკეპ მანქანაშიც.  როდესაც ბლინები შეგრილდება, გულსართი ფენა-ფენა წავუსვათ ბლინებს და 20-30 წუთის შემდეგ მივიტანოთ სუფრასთან.

© ღვინის კლუბი/Weekend